KENYA, Wed 12th May

Ithurano nini cia gicigo kia ubunge kia Matuga igeekwo tariki 12 mweri wa Mugwanja mwaka-ini uyu, hamwe na ithurano cia icigo ingi 25 cia ukanjura guku bururini. Muikariri giti wa kamiti ya IIEC Isaac Hassan augite mareenda gukorwo marikitie mihang’o ya ithurano nini mbere ya kura ya referendum mweri-ini wa Kanana. Ithurano nini cia South Mugirango, icio igeekwo tariki 10 mweri turorete.

KENYA, Wed 12th May.
Athii aingi nimakwamire icigo-ini itiganite guku bururini, thutha wa birigisheni ya guikia ngono ngari iria itakinyaniirie ikiro kwambiriria umuthi guothe bururini. Ngari nyingi iria ciikirio ngono ni iria itari na marua makinyaniru ma uthurimi kwaga marua ma Insurance na gukuua athii aingi makiria. Guku Nairobi andu aingi mathiire maguru icigo-ini iria marutagira wira, thutha wa ngari cia matatu kurega kuumira barabara. Borithi a traffic nimehitite guthii nambere na birigisheni iyo nginyagia mawatho ma barabara marumirirwo.

NYERI, Wed 12th May.

Atumia eri na muthuri umwe aria marathitagitwo na ihitia ria kuiya makiria ma ciringi ngiri magana matatu  kia hinya kuuma kuri gikundi kimwe kia atumia mwena wa Tetu umuthi nimarekirio ni igoti rimwe ria Nyeri. mucirithania Joshua Kiarie arekereirie Robert Maina, Susan Wanjoku na Gladys Wangechi thutha wa gutua itua ati  mwena wa thitango  ndurehete uira muiganu. Atatu acio marathitagitwo ati kuri mweri 22/12/2009 itura-ini ria nyarugumo mwena wa muhoya mena micinga muthemba wa ak 47 nimatunyire Shelmith Wambura ciringi ngiri 321,500 kia hinya .

--

NAIROBI, Wed 12th May.

Kamiti ya ataramu iria irumbuyanagia na ugaruri wa gatiba niiteteire gatiba muhiano iria icabithirio niguo ithomithio muingi, ikiuga gatiba iyo ndiri na mahitia. Agicokia mateta ma ateti amwe aria marauga kwina gatiba igiri muhiano iria cirekereiirio, murugamiriri wa kamiti iyo Okulu Aukot niaugire gatiba iria cirahuthika guthomithia muingi wa bururi, itiri na utiganu ona hanini.
Hau kabere kuuma na githagathago gukiirikana kwiina gatiba igiri muhiano cirathiururukio cigithomithagio muingi guku bururini. Aregani a gatiba muhiano matongoretio ni William Ruto nimekwendekithitie mutaratara wa guikia kura ya referendum, waambe urugamio.

KENYA, Wed 12th May.
Niguthondeketwo kamiti iria igukorwo ikihaririria igongona ria kuruguria kambeini ya ‘YES’ kihaaro-ini kia Uhuru Park . Kamiti iyo iria ina abunge othe a Nairobi na aria maari ho hau kabere, iratongorio ni minister wa uthii wa nambere wa matuura Fred Gumo uria nowe mubunge wa Westland’s. Prime minister Raila Odinga niwe ugatongoria mucemanio ucio.

KENYA, Wed 12th May.

Gitaro kia Rift Valley nikio kiandikithitie aikia aingi a kura mihang’o-ini iria yatirihirwo muthenya wa kiumia. Rift Valley kurandikithirio aikia a kura milioni 2.9, kurumiriirwo ni Central Province , kuria nakuo kuraandikithirio aikia a kura milioni 2.7. Kuringana na maumirira maria marekereirio ni kamiti ya ihinda ya ithurano bururini IIEC, makiria ma andu milioni 12.3 niyo mareyandikithitie.

LIBYA, Wed 12th May.
Makiria ma andu 100 nimakuire thutha wa ndege imwe ya gukuua athii kugwa bururini wa Libya . Ndege iyo muthemba wa Airbus 330 iguire igithii kuumba kihaaro-ini kia ndege gia Tripoli, na ikuumite mucii-ini wa Johannesburg. Athii aria aingi makuire ndege-ini iyo ni raia a bururi wa Netherlands, na no kahii kamwe kahonokire mutino-ini ucio, na mahinda-ini maya kararigitirwo thibitari-ini imwe mucii-ini wa Tripoli.

Nairobi, May 10

Baratha ya ministers nihitukitie mubango wa gwakwo wega kwa nyumba iria nguru cia kanju mwena wa estleigh. Murugamiriri munene wa ruhonge rwa kanji tom odongo, niugite kanju nirikitie gutabariria uria mihango iyo igutwarithio nambere . Hari mubango wa itina ria mbere,nyumba igana rimwe ria mirongo mugwanja na ithano iria iri gichigoini gia shauri moyo nicio ikwamba kurumbuio. Mubango ucio,utanyite kuhe uikaro andu makiria aria maikaraga nyumba cia kanju,kuma ngiri ikumi na ithano kinya ngiri magana matatu.

Nairobi, May 10

Kigina gia guteithiriria gucokia riri mutitu wa mau nikiamukirite kimanjika gia ciringi mirioni magana mugwanja ma mirongo mugwanja kuma kuri honge ngurani na mabururi mwanymanya. Kigina kiu kirabatara muigana wa ciringi birioni mugwanja na mirioni magana matandatu,na amerika ni umwe wa mabururi maria meraniire uteithio wa ciringi mirioni magna matano ma mirongo itatu na kenda.

Handuini hakio,kiama kia mabururi ma ruraya eu,kiraniire uteithio wa ciringi mirioni magana meri ma mirongo itatu.kigina kiu kiambiiriio mwaka muhituku mwerrini wa kenda,gucokia riri mutitu ucio uria wathukio na gichunji kia mirongo iri na ithano hari igana na ugituma kuria gwakunukaga mai kumagare.

Nairobi, May 10

Minister munini worimi kareke mbiuki,niaugite niagutaura gatiba muihiano na ruthiomi rwake rwa kiunduire,nigetha andu aria arugamagiira mahota gwithomera wega matakuhingichwo. Mbiuki uria ni mumbunge wa nithi,niugite agutaura gatiba iyo na gi chuka,githaraka,muthambi na mwimbi,iria ni thiomi iria ciaragio mwena wa miru.